Nanomboka tamin’ny faran’ny taona 2020 ka hatramin’izao volana janoary 2021 izao dia tafakatra 12 ny olona voatily mitondra ny tsimokaretina Covid-19 aty Morondava, renivohitry ny faritra Menabe.

Nisy ny fivoriana tsy ara-potoana nataon’ny OMC sy ireo tompon’andraikitra voakasika rehetra mba hijerena ireo fepetra horaisina manoloana izany.

Tapaka tamin’izany fa haverina indray ireo fepetra aram-pahasalamana ho fiarovana ny tsy hiparitahan’ity valan’aretina ity : tsy maintsy manao arovava orona ny tsirairay rehefa mivoaka ny tokan-trano, hajaina hatrany ny elanelana iray metatra amin’ny toerana fivorivoriana sy be olona.

Hisy ny fanaraha-maso ataon’ireo tompon’andraikitra amin’ny fanatanterahana ireo fepetra aram-pahasalamana ireo.