Tselatra

    • vendredi, 30 octobre 2020 15:51
    • Sary nindramina

    30 oktobra: Androm-pirenena ho an'ny Varika eto Madagasikara

    “Ny Varika sy ny Fonenany : Arovako satria Harenako”.  
    Lire la suite ...
    • vendredi, 30 octobre 2020 15:02
    • Sary : AN

    Kere any atsimo : Nanolotra vary 8,5 taonina ireo Solombavambahoaka

    Voin-kava mahatratra ! Nanatitra vary 8,5 taonina teny amin’ny BNGRC androany zoma 30 oktobra 2020 ireo Solombavambahoaka izay notarihin’ny Filohan’ny Antenimieram-pirenena Razanamahasoa Christine ho fanampiana ireo Malagasy iharan’ny tsy fahampian-tsakafo amin’izao fotoana izao. (Jereo Sary Tohiny)  
    Lire la suite ...
    • jeudi, 29 octobre 2020 14:52
    • Sary nindramina

    Arcade Analakely : Rihana nihotsaka tampoka, nandratra olona

    Nihotsaka tampoka ny rihana amin’ny ampahan-trano izay asiam-panavaozana eo amin’ny Arcade Analakely, amin’ny andaniny andrefana. Nisy olona naratra, nisy voatsindry tao ambany korontana. Niditra an-tsehatra nanao famonjena teo an-toerana ireo mpamonjy voina ainan’ny Kaominina Antananarivo Renivohitra.  
    Lire la suite ...
    • jeudi, 29 octobre 2020 12:58

    Gadra nitsoaka ny fonjan’i Farafangana : Voasambotry ny Zandary i Zelema

    Voasambotry ny Zandary avy ao amin'ny Tobin-jana-paritra (Poste Avancé) Zandarimariam-pirenena ao Etrotroky, ny 28 oktobra 2020 i Zelema na i Iaban'i Zamisy. Anisan'ireo gadra maro nitsoaka avy tao amin'ny Fonjaben'i Farafangana izy. Loharanom-baovao avy tamin'olona tsara sitrapo no nahafantarana ny toerana niafenany. Ny alahady 23 aogositra 2020, no vaky ny fonjan’i Farafangana. 88 ireo voafonja tafatsoaka. Voasambotra ny 49, 24 no lavo, ary 16 ireo mbola atao hazalambo. Valisoa 2 tapitrisa Ariary isaky ny gadra voasambotra, no omen’ny Fanjakana izay olona manome loharanom-baovao ahazoana misambotra ireo gadra nitsoaka ireo.  
    Lire la suite ...
    • jeudi, 29 octobre 2020 12:40

    Antananarivo : Namafisina ny hetsika "PAPANGO" hisian’ny fandriam-pahalemana

    Nohatsaraina sy nohamafisin’ny teo anivon'ny "Etat-Major Mixte Opérationnel" na ny EMMO ny paikady hiarovana ny vahoaka sy ny fananany eto Antananarivo-Renivohitra. Misy ny hetsika "PAPANGO" ifarimbonan’ny Zandary sy ny Tafika ary ny Polisy manatanteraka, hiarovana ireo toerana sy Fokontany rehetra ahiana hisian'ny asan-jiolahy, na atoandro na alina. Ankoatra ny fisafoana ataon'ireo mpitandro filaminana mandeha an-tongotra na amin'ny fiara, dia mandray fanairana na antso vonjy ihany koa izy ireo. Laharana antsoina raha misy ahiana 034 05 700 68.  
    Lire la suite ...
    • jeudi, 29 octobre 2020 12:31

    Covid-19 : Miverina mihiboka ny ao Frantsa

    Nandray fepetra ny fanjakana frantsay manoloana ny firongatry ny valanaretina Covid-19 indray. Nanao fanambarana halina ny filoha frantsay Emmanuel Macron fa mihiboka ny ao Frantsa manomboka anio misasak’alina ka hatramin’ny 1 desambra 2020, hisakanana ny fihanak’io valanaretina io. Na izany aza mianatra ny mpianatra, miasa ny mpiasa, azo vangiana ireo toerana fitaizana beantitra. Voarara ny fivorivoriana ankalamanjana sy ny ivelan’ny fianakaviana. Mitondra fanamarinana na “attestation” amin’ny fivezivezena ivelan’ny trano fonenana. Sationany amin’ireo fepetra noraisina ireo. Tsy mbola voakasik’io kosa ireo departemanta ivelan’ny taniben’i Frantsa.  
    Lire la suite ...
    • mercredi, 28 octobre 2020 10:15
    • Sary nindramina

    Andohalo : Fihaonan’ny Arsevekan’Antananarivo sy ny ambasadaoro frantsay

    Tonga nifampidinika tamin’ny Arsevekan’Antananarivo Monsenera Odon Razanakolona teny Andohalo, omaly, ny ambasadaoro frantsay Christophe Bouchard. Niompana tamin’ny fivavahana sy ny fe-potoana maha-filoha eo anivon’ny FFKM ny resaky ny roa tonta. (Jereo Sary Tohiny)
    Lire la suite ...
    • mardi, 27 octobre 2020 09:07

    Nosy-Be : Misy mpizahatany vahiny voan’ny Covid-19

    Nahitana tranga Covid-19 ao Nosy-Be. 4 no voamarina, ka teratany vahiny ny 2, tonga hizahatany ao an-toerana. Efa misy ny fanaraha-maso ara-pahasalamana azy ireo. Nisokatra tamin’ny 1 oktobra 2020 ny sidina iraisam-pirenena mankao Nosy-Be. Namoaka Naoty ny Aviation Civile de Madagascar fa tsy afaka miondrana mankaty Madagasikara ireo olona avy amina firenena vahiny miisa 16, anisany i Frantsa, izay hita fa mirongatra indray ankehitriny ny Covid-19. Tsy voakasik’ilay fepetra kosa ny miainga sy mandeha atsy La Réunion sy Mayotte.  
    Lire la suite ...
    • lundi, 26 octobre 2020 16:21

    CNAPMAD : Valo volana tsy nandray karama ny mpiasa

    Velon-taraina ny mpiasa fa toa voarirarira sy fahanana fampanantenana lava nefa tsy mivaha ny olana. Nampanantena azy ireo ny minisitry ny fanabeazam-pirenena Dr Sahondrarimalala Marie Michelle, andro vitsy monja taorian’ny nanendrena azy amin’io toerana io, fa hamaha ny olana faran’izay haingana mba tsy hampikatso ny fanadinam-panjakana CEPE sy BEPC. Vita ihany ny fanadinana, ary efa nivoaka aza ny valiny fa ny teo ihany no teo, tsy mivaha ny olana. Mikasa ny hilanja sorabaventy eny amin’ny ministeran’ny fanabeazam-pirenena Anosy ireo mpiasa hitaky ny karaman’izy ireo.  
    Lire la suite ...
    • dimanche, 25 octobre 2020 18:19

    Covid-19 : Namono olona 6 tao anatin’ny herinandro

    Niampy 158 ireo mitondra ny tsimok'aretina Covid-19 teo anelanelan’ny 17 hatramin'ny 23 oktobra 2020 tamin’ireo fitiliana niisa 2252 natao. Mitontaly 16 968 ireo mitondra ny tsimok'aretina ireo hatreto manerana ny Nosy. Nisy 06 no lavo tao anatin’ny herinandro. Miisa 244 no namoy ny ainy hatramin’ny marsa 2020.16 301 no sitrana, ary 423 mbola manaraka fitsaboana.  
    Lire la suite ...
Page 1 sur 598