Hikatona ny 31 may 2020 ny fanondranana lavanila ho an’ity taona ity. Tombanana eo amin’ny 350 taonina eo ny lavanila masaka nihitsoka tsy mahatratra io fe-potoana io ka tavela, izay fatiantoka ho an’ny mpanangom-bokatra ary vola vahiny tokony hiditra amin’i Madagasikara nefa votsotra.    

Raha 6% amin'izao ny tahan'ny fiara mandeha amin'ny herinaratra, na batterie, dia hivoatra aingana be ho lasa 50% any Eoraopa afaka 5 taona. Manararoatra mametraka ny drafitra fanovana avokoa ireo orinasa lehibe mpanamboatra fiarakodia amin'izao krizy maneran-tany ateraky ny Covid-19 izao. Hiova arak'izany ny asa sy ny fomba fiasa, satria dia ny akora sy ny fanamboarana batterie izany no iainga, fa hihena avokoa ny resaka solika, na dia mbola tsy lefy aza izy.    

Manoloana ny krizy maneran-tany ateraky Covid-19 sy fanohizana ny programa fanarenana ny orinasa mpanamboatra fiarakodia Renault, dia androaka mpiasa 15 000 maneran-tany izy, ka ny 4 600 amin'izany dia ao Frantsa. Ny tanjona dia ny hitsitsiana hatrany amin'ny 2 miliara Euro any. Tombanana hihena 3.3 tapitrisa ny isan'ny fiara vokarina ao anatin'ny taona raha 4 tapitrisa izy teo aloha.  

Tsy mbola hita ny marimaritra iraisana eo amin’ny tantsaha sy ny mpanangom-bokatra amin’ny vidin’ny lavanila maitso. Telo andro androany izao no nisokafan’ny taom-piotazana lavanila aty Anjiabe - Nosy Komba, tsy mbola vaky ny tsena. 240 000 Ar hoy ny mpamboly, 50 000 Ar ny an’ireo mpanangom-bokatra ny 1kg vanila maitso. (Jereo Sary Tohiny)

Tsy raikitra fisokafan’ny tsenan’ny lavanila taty Ambalavelona sy Ambalahonko, Distrika Ambanja omaly Talata 26 may 2020. Nitaky 200 000 Ariary ny mpamboly, ny mpividy anefa tsy resy lahatra ka tsy nanoratra ny vidy ividianan’izy ireo ny kilaon’ny lavanila, ka tsy nisy marimaritra niraisina. Rava tsy nisokatra ny tsena. (Jereo Sary Tohiny)

Tantsaha manao 300 000 Ariary ny kilao, ny mpividy mamaritra 20 000 Ariary. Mifamolaka ny tantsaha sy ireo mpanangom-bokatra tamin’ity andron’ny 25 may 2020 ity, nisokafan’ny tsenan’ny lavanila ato amin’ny faritra Sambirano Distrika Ambanja. Tao Andimaka Ankifigny Kaominina Ambohimena no ambohim-pihaonana androany, saingy nirava maina indray toy ny mpiseho saika isan-taona. Lavanila maitso na manta moa no vidiana amin'ny tantsaha, ka 5kg amin'izany manta izany no andrahoana sy karakaraina hanome 1kg lavanila azo ampiasaina sy ahondrana any ivelany.  

Nisokatra ny 20 may teo ny taom-piotazana sy fanangonana ary ny fivarotana ny vokatra « Baie rose » ato amin’ny Faritra Anôsy. Nosantarina tao amin’ny Kaominina Ifarantsa, Distrikan’i Tolagnaro izany, lanonana notarihin’ny Governoran’i Faritra Anôsy, Hatrefindrazana Jerry. Vokatra fanondrana ny « Baie rose ». Ny 80% n’ny vokatra dia mivoaka avy ato amin’ny Faritra Anôsy avokoa. Namoaka 176 taonina tamin’ny taona lasa, tanjona ny hanatsarana ny kalitao sy hampakarana ny vokatra, ka eritreretina ho 280 taonina izany amin’ny taona 2021. Manohana ara-teknika ny tantsaha ny tetik’asa PIC (Pôle Intégré de Croissance) amin’ny fanatsarana hatrany ny kalitaon’ny vokatra. (Jereo Sary nindramina)

Fiaramanidina goavana, mahazaka mpandeha 500 indray miondrana ny Airbus A380. Torak’izany koa ny fandaniany isaky ny misidina, mandany solika betsaka, hany ka mamono antoka raha tsy feno ny toerana isaky ny miainga. 15 taona nampiasana an’ity karazana Airbus ity ny Air France, hijanona alohan’ny fotoana ny fiarahany amin’ny Air France, raha mbola tokony hitohy roa taona sy tapany eo.    

Nisy ny fidinana hatramin’ny 1858,8 miliara Ariary ny fampidiran-ketra.  

Nivoaka androany alarobia 20 may 2020 ny didim-pitondrana iraisan’ny ministeran’ny varotra sy ny fanjifana ary asa tanana sy ny ministeran’ny fambolena sy fiompiana ary jono, mamaritra ireo daty isokafan’ny taom-piotazana lavanila sy varotra lavanila ho an’ny taom-piotazana 2020-2021. Miisa sivy no voasokajy fa mamokatra lavanila eto Madagasikara dia Alaotra Mangoro, Analanjirofo, Anôsy, Atsimo Atsinanana, Atsinanana, DIANA, SAVA, Sofia ary Vatovavy Fitovinany. (Jereo Sary Tohiny)