Fianarantsoa: Sendra aretina tsy fantatra ity zazalahy 10 taona

  • vendredi, 10 novembre 2017 09:00
  • Britto
  • Sary Sobika Fianarantsoa

Mitety haino aman-jery eto Fianarantsoa ny fianakavian'ity zaza marary tongotra efo ho 5 volana ity. Ny rainy, Randriamanantena Jean Fidelis no manao antso avo ho fanampiana ara-bola mba ho fitsaboana ny zanany.

Monina any Nasandratrony izy ireo ka niakatra eto andrenivohitr'i Matsiatra Ambony ho fikaroham-bahaolana. Raha ny ambarany dia efa namonjy mpitsabo gasy ary efa teny amin'ny toeram-pitsaboana ara-panjakana izy ireo fa tsy nahita vokatra.

Tsy misy soritraretina hafa lazainy momba ity aretina hafahafa ity.
Fa fivontosana kely manaintaina no fisehony tany am-boalohany ka nitombo hatrany hatrany ilay tongotra havanana arakaraky ny fikitikitiana azy.

Lany vatsy tamin'izany fitsaboana izany ny fianakavian'ity zaza ity ka manao izao antso izao.

Raha misy olona maniry ny hanome tanana ny fianakaviana dia 034 99 184 00 ny laharana ahafahana mifandray aminy mivantana.

 

Laissez un commentaire
Assurez-vous d'indiquer les informations obligatoires (*).
Le code HTML n'est pas autorisé.
 
 
B1 - Polyclinique
B2 - Toa